சீனாவின் புதிய ஜனாதிபதியாக தெரிவு செய்யப்பட்டுள்ள ஷி ஜின்பிங் தனது முதல் பயணத்தின் போது எதிர்பாராத சுவாரசியமான பிரச்சினைக்கு முகம் கொடுத்துள்ளார்.
வெள்ளிக்கிழமை ரஷ்யாவின் தலைநகர் மொஸ்கோவிற்கான விஜயத்தினை ஷி மோற்கொண்டிருந்தார். இதன் போது சீனாவின் புதிய ஜனாதிபதி யார்? என்ற தேடலுக்கு மாறான சூழ்நிலைக்கு ஷி தள்ளப்பட்டிருந்தார்.
மொஸ்கோ பிராந்தியங்களுக்கு விஜயம் மேற்கொண்டிருந்த போது அங்கு நடைபெற்ற பல்வேறு நிகழ்வுகளிலும் கலந்துரையாடல்களிலும் பங்கேற்ற கம்யூனிஸ்ட் கட்சித் தலைவர் ஷி ஜின்பிங் பல விடயங்கள் பற்றியும் உரையாற்றியிருந்தார். ஆனால் மொஸ்கோ பிராந்திய ஊடகங்களில் சிறப்பான முயற்சியால் ஷி மீதான மோகம் மறைக்கப்பட்டு அவருடைய கவர்ச்சியான மனைவியும், நாட்டுப்புறப்பாடகியுமான பெங் லியோனின் ஆதிக்கம் வெளிக்காட்டப்பட்டிருந்தது.
வெள்ளிக்கிழமை சீன எயார் விமானத்தில் மொஸ்கோ விமான நிலையத்தை ஷி தம்பதியினர் வந்தடைந்தனர். விமானத்திலிருந்த தனது கணவனுக்கு அருகிலேயே பெங்லியேன் இறங்கி வரும் காட்சியை ஆயிரம் கமராக்களும் கண் சிமிட்டியிருந்தன.
சீனாவின் முதல் பெண்ணாக முதன்முறையாக பொதுமக்கள் முன்தோன்றிய பெல் லியெனைப் பல ஆயிரக் கணக்கான சீன இணையப் பாவனையாளர்கள் கண்டு மகிழ்ச்சியைப் பகிர்ந்து கொண்டனர்.
சீனாவின் நன்கறியப்பட்ட கவர்ச்சியான பெண் பெங் என்பதும் இந்த மகிழ்ச்சி ஆரவாரத்திற்கு ஒரு காரணமாகும். 1962 ஆம் ஆண்டு நவம்பர் மாதம் 20 ஆம் திகதி பெங் சான் டொங்கிலுள்ள யுங் செங் வட்டம் என்னும் பகுதியில் பிறந்தார். 1982 காலப்பகுதியில் இசைத்துறைக்குள் காலடி எடுத்து வைத்த பெங் சீன நாட்டார், ஓபாரா இசைப் பாடல்களைப் பாடும் திறன் பெற்றவராவார்.
இந்நிலையில் பெங் சீனப்புத்தாண்டு நிகழ்ச்சியாக சீன தொலைக்காட்சி ஒன்றில் ஒளிபரப்பி வந்த சிறப்பு நிகழ்ச்சிகளில் பங்கேற்று புகழ் பெற்றவராவார். அத்துடன் சீனாவில் பரவலாக நடைபெற்ற இசைப் போட்டிகளிலும் கலந்து கொண்டு வெற்றிகளைப் பெற்று புகழின் உச்சிக்கு சென்றவராவார்.
சீனாவின் சியாமென் நகர துணை மேயராக ஷி ஜின்பிங் இருந்த போது பெங்கினை இரண்டாவது மனைவியாக திருமணம் செய்து கொண்டார். சீன தொலைக்காட்சியில் தேச பக்திப்பாடல்களைப் பாடி வந்த பெங்லியென் திருமணத்துக்குப் பிறகு பாடுவதை நிறுத்திக் கொண்டார். ஷி தம்பதிகளுக்கு மிங் ஷி என்னும் ஒரு மகள் உள்ளார். மிங் அமெரிக்காவில் உயர் கல்வி கற்று வருகிறார்.
நாட்டின் முன்னணி நாட்டுப்புறப்பாடகியான பெங் தனது 19 ஆவது வயதிலே சீன இராணுவத்திலும் இணைந்து பணியாற்றியவராவார். சீனாவின் மக்கள் விடுதலைப் படையில் குடிசார் உறுப்பினராகவுள்ள இவருக்கு மேஜர் ஜெனரலுக்கு இணையான பதவியும் வழங்கப்பட்டுள்ளது. அத்துடன் உலக சுகாதார அமைப்பின் காசநோய் மற்றும் எயிட்ஸ் நோய்க்கான நல்லிணக்க தூதராகவும் கடமையாற்றி வருகிறார்.
கடந்த தசாப்தத்தில் தனது கணவனான தற்போதைய ஜனாதிபதி ஹியை விட பிரபல்யமாக விளங்கிய பெங் தனது கணவரின் கட்சியில் மத்திய குழு நிலை ஆணைக்குழுவின் முக்கியஸ்தராக நியமிக்கப்பட்ட பின்னர் அண்மையில் ஒரு குறைந்த சுய விபரத்தை ஏற்றுக் கொண்டுள்ளார்.
சீனாவின் முன்னைய அரச தலைவர்களான ஜின் ஆங் ஜீமின் மற்றும் கு ஜிண்டா ஒ ஆகியோரது மனைவிமார் பொதுமக்களின் முன்னால் அரிதாகவே தோன்றியுள்ளனர். சீன அரசாங்கத் தலைவர்களின் மனைவிமார் பொது மக்கள் முன் தோன்றுவது தவிர்க்கப்பட்டு வந்த தொன்றாகவே பார்க்கப்பட்டு வந்த நிலையில் சீன முதல் பெண்மணி என்ற அங்கீகாரம் பெங் லியெனுக்கு அளிக்கப்பட்டுள்ளது.
முதன்முறையாக ஒரு சீனத் தலைவரின் மனைவிக்கென ஒரு தனி அட்டவணை மற்றும் அவருடைய சொந்த பொதுத் தொடர்பினை பேணுவதற்கான வெளிநாட்டுப் பயணம் போன்ற நடைமுறைகள் ஏற்படுத்தப்பட்டுள்ளதாக அந்நாட்டு துணை வெளியுறவுத்துறை அமைச்சர் சின்ஷெங் குபிங் தெரிவித்துள்ளார்.
மொஸ்கோ பயணத்தை தொடர்ந்து ஷி தம்பதியின் தென்னாபிரிக்காவில் நடைபெறவுள்ள ஆகீஐஇகு உச்சி மாநாட்டில் கலந்துகொள்ளவுள்ளனர். இதன்போது பெங் உரை நிகழ்த்தவுள்ளமையும் குறிப்பிடத்தக்கது.
ஒரு மென்மையான தலைமைத்துவம் இரகசியமான வாழ்வில் உச்சமடைய ஒரு அரிய வாய்ப்பைக் கொடுத்துள்ளது என்பதை பெங்கின் வெளிநாட்டுப் பயணம் காண்பித்துள்ளது.
1949 ஆம் ஆண்டு சீன மக்கள் குடியரசு நிறுவப்பட்டதிலிருந்து முதல் தடவையாக ஒரு கண்ணியமான முதல் பெண்மணியைக் கண்டுள்ளோம் என தென் சீனாவின் மோனங் போஸ்ட் பிளக்கர் குறிப்பிட்டுள்ளது.
இணையத்தளங்களில் நேர்த்தியான தோற்றம் கொண்ட பெங்கின் புகைப்படங்கள் பதியப்பட்டு ஒரு மணித்தியாலங்களிலேயே ஆயிரக் கணக்கான கருத்துரைகள் வெளியிடப்பட்டு வரப்படுகின்றன.
பெங் கோட் அணிந்து போஸ் கொடுக்கும் புகைப்படமொன்றில் ஆயிரக் கணக்கான பிரதிகளை தலா 499 யுவான் (4500 ரூபா) பெறுமதியில் ஒரு இணையத்தள நிறுவனம் விற்பனை செய்து வருகின்றது.
சீனத் தலைவர்களாக இருந்தவர்களின் மனைவிமார்கள் தொடர்பான விபரங்கள் பெரும்பாலும் அநாமதேயமாகவே இருந்து வந்துள்ளன. ஹெல்ஸ்மனின் மனைவி ஜியாங் கினிங் கலாசார புரட்சியில் பங்குபற்றியிருந்தமைக்காக சிறைத் தண்டனை அனுபவித்திருந்தார்.
இதேவேளை பல தலைவர்களின் குடும்பங்கள் பற்றிய எந்தவொரு பொதுத் தகவல்களையும் வெளி ஊடகங்களுக்கு வழங்காது கட்டுப்படுத்தும் கொள்கையை சீன அரசு மேற்கொண்டிருந்தமையும் சீன முதல் பெண்கள் தொடர்பான சுவாரசியங்கள் வெளிவராமைக்குக் காரணமாகும்.
இந்நிலையில் தற்போதைய சீன ஜனாதிபதி ஷி யின் செல்வாக்கினை விட பெங் மீதான மோகம் சீன ஊடகங்களிலும் சர்வதேச ஊடகங்கள் மீதும் செல்வாக்குச் செலுத்தியுள்ளது என்பது உண்மையாகும். பெங்கின் நேர்த்தியான இராணுவ கம்பீரம் நிறைந்த கவர்ச்சியான தோற்றமும் இனிமையான குரலும் மென்மையாக அதிகாரத்தை பறைசாற்றுவதைக் காணலாம்.
கருத்துகள் இல்லை:
கருத்துரையிடுக